ایشیا کپ کے معاملے پر بھارتی کرکٹ بورڈ کے ایک عہدیدار کا کہنا ہے کہ ایشیا کپ کےلیے نئی تجویز میں نے نہیں دیکھی لیکن ہمارے مؤقف میں کوئی تبدیلی نہیں آئی۔
بھارتی میڈیا سے گفتگو کرتے ہوئے بھارتی بورڈ آفیشل نے کہا ہم چاہتے ہیں کہ ایشیا کپ نیوٹرل وینیو پر کھیلا جائے اور یہ وینیو یو اے ای نہ ہو، وہاں بہت گرمی ہے اس لیے کھلاڑیوں کی انجریز کا خطرہ مول نہیں لے سکتے۔
انہوں نے کہا کہ سری لنکا ٹورنامنٹ کے لیے بہترین جگہ ہے، اس وقت تک ہم نے ایشیا کپ کے بائیکاٹ کرنے کے بارے میں بات نہیں کی، پہلے ہمیں صورتحال سمجھنے دیں پھر ہم کوئی فیصلہ کریں گے۔
